Pages

Monday, 16 January 2017

STRENGTH OF THE FORGOTTEN - மறக்கும் வலிமை

      மறக்கும் வலிமை
STRENGTH OF THE FORGOTTEN
        புதுக்கவிதை
     மதுரை கங்காதரன்

கல்லை மறக்கச் செய்கிறது
சிலை
கனிகளை மறக்கச் செய்கிறது
சுவை

மனிதனை மறக்கச் செய்கிறது
தெய்வம்
மனவலியை மறக்கச் செய்கிறது
ஆறுதல்

அன்பை மறக்கச் செய்கிறது
பிரிவு
அறிவை மறக்கச் செய்கிறது
மயக்கம்

பாவத்தை மறக்கச் செய்கிறது
பலிகள்
பாசத்தை மறக்கச் செய்கிறது
பணம்

உறவை மறக்கச் செய்கிறது
நட்பு
உண்மையை மறக்கச் செய்கிறது
பொய்

கண்களை மறக்கச் செய்கிறது
காதல்
காதலை மறக்கச் செய்கிறது
கல்யாணம்

வாழ்க்கையை மறக்கச் செய்கிறது
இறப்பு
வாய்ப்புகளை மறக்கச் செய்கிறது
சோம்பல்

தோற்றத்தை மறக்கச் செய்கிறது
பதவி
தோல்வியை மறக்கச் செய்கிறது
வெற்றி.
                       ***