Pages

Wednesday 29 May 2013

வாழ்கையில் கோட்டை கட்ட / கோட்டை விட வழிகள் - WAY TO LOOSE OR SUCCESS IN YOUR LIFE

வாழ்கையில் கோட்டை கட்ட அல்லது வாழ்கையை கோட்டை விட சில எளிய வழிகள் - 
                       
WAY TO LOOSE OR SUCCESS IN YOUR LIFE

    
புதுக்கவிதை 

வாழ்கையை நிறைய பேர் எப்படி வாழ்வது என்று தெரியாமல் மனம் போன படி வாழ்கின்றனர். அவர்களுக்கு பெரிதாக ஒரு பிரச்சனை வந்த பின்னர் தான் செய்வதறியாமல் புலம்புகின்றனர் / திணறுகின்றனர் / என்ன செய்வதறியாமல் தவிக்கின்றனர் / கஷ்டபடுகின்றனர் / நிம்மதி இழக்கின்றனர்.......... 

               

அவர்கள் எல்லோரும் வாழ்கையை கோட்டை விடும் வழியைத் தேர்ந்தெடுத்து வாழ்கிறவர்கள்..

ஆனால் ஒரு சிலர் மிகவும் திட்டமிட்டபடி மனத்திருப்தியுடன் வாழ்கின்றனர். அவர்களுக்கு பிரச்சனைகள் மிக மிக குறைவாகவே வரும். அதையும் மிக இலகுவாக சமாளித்துவிடுவார். ஆகையால் அவர்கள் வாழ்க்கை முழுவதும் சந்தோசமாக வாழ்வர் / நிம்மதியாக வாழ்வர் / எவ்வித கஷ்டமில்லாமல் இருப்பர் / பிறர்க்கு உதவி செய்து நல்ல பேருடன் இருப்பர் ........................... 

               

அவர்கள் எல்லோரும் வாழ்கையில் (வெற்றிக்) கோட்டை கட்டும் வழியை தேர்ந்தெடுத்து வாழ்கிறவர்கள்.

முதலில் . . .

வாழ்கையை கோட்டை விடும் வழிகள் :  

தினம் தவறாமல் டி.வி சீரியல் பார்க்க வேண்டும் 
பாடம் படிக்காமல் ஊர் சுற்ற வேண்டும் 
பள்ளிக்கு 'கட்' அடித்து படத்திற்குச் செல்ல வேண்டும் 
கல்லூரியில் படிக்காமல் கடலை போட வேண்டும்.

வேலைக்குப் போகாமல் சோம்பேறியாக இருக்க வேண்டும் 
சம்பாதிக்கும் பணத்தில் குடித்துக் கெட்டுப் போகவேண்டும் 
புகைப்பிடித்து உடம்பை கரியாக்கிக் கொள்ளவேண்டும் 
'குட்கா' போட்டு மூளையை மங்கி கிடக்க வேண்டும்.

பகட்டு விளம்பரம் கண்டு பணத்தை முதலீடு செய்ய வேண்டும் 
தன்னம்பிக்கை இழந்து தளர்ச்சியாக இருக்க வேண்டும் 
விடா முயற்சி செய்யாமல் மூலையில் முடங்க வேண்டும்.
போலி கெளரவம் காட்ட பணத்தை வீணாக செலவழிக்க வேண்டும் 

இரக்கம் இல்லாத அரக்க குணம் காட்ட வேண்டும் 
பெண்கள் / ஆண்கள் பின்னால் சுற்றித் திரிய வேண்டும் 
தீய செயலில் ஈடுபட்டு தன்னையே அழித்துக்கொள்ள வேண்டும் 
பிறர்க்கு வேதனை கொடுத்து நிம்மதியை இழக்க வேண்டும்.

              

எல்லாம் தெரிந்தது போல் காட்டிக்கொள்ள வேண்டும் 
போலி வாக்குறுதி கொடுத்து மக்களை ஏமாற்ற வேண்டும் 
பணத்தை ஊதாரித்தனமாக செலவழிக்க வேண்டும் 
வேண்டாத செலவு செய்து தற்பெருமை கொள்ள வேண்டும் 

சட்டம் மதிக்காமல் அசத்தியமாக செயலைச் செய்ய வேண்டும் 
மரியாதை தராமல் வறட்டு கெளரவம் காட்ட வேண்டும் 
'நான்' என்னும் அகம்பாவத்துடன் இருக்க வேண்டும் 
வித விதமான மொபைல் வாங்கி பேசி பொழுது போக்க வேண்டும்.

'ஓசி' பைக்கில் ஊரை மேய வேண்டும் 
உருப்பிடியான வேலை செய்யாமல் இருக்க வேண்டும் 
கடன் வாங்கி மினுக்காக வாழ வேண்டும் 
வரவுக்கு மேல் செலவு செய்து சேமிக்காமல் இருக்க வேண்டும் 

கடமைகளைச் செய்யாமல் தப்பிக்க வேண்டும் 
தண்டச் சோறு சாப்பிட்டு உடலை வளர்க்க வேண்டும்.
பிறரிடம் கைநீட்டி அடிமையாக வாழவேண்டும் 
உழைக்க அதிர்ஷ்டம், நல்ல நேரத்திற்கு காத்திருக்க வேண்டும். 

அடுத்தது . . .

வாழ்கையில் (வெற்றி கோட்டை கட்டும் வழிகள்
                

டி.விக்கு அடிமையாகி விடாமல் இருக்க வேண்டும். 
பாடங்களை ஒழுங்காக தினமும் படிக்க வேண்டும்.
நாள் தவறாமல் பள்ளிக்குச் செல்ல வேண்டும்  
கல்லூரிப் பாடங்களை நன்றாக படிக்க வேண்டும்.

சுறுசுறுப்பாக வேலைக்குச் செல்ல வேண்டும் 
சம்பாதிக்கும் பணத்தை குடும்பத்திற்குச் செலவழிக்க வேண்டும் 
புகை பிடிப்பது உடம்பிற்கு பகையாய் கருத வேண்டும்  
'குட்கா'விற்கு 'குட்பை' சொல்ல வேண்டும். 

பணத்தை பலனுடன் பாதுகாப்பாக முதலீடு செய்ய வேண்டும்  
எப்போதும் தளராமல் தன்னம்பிக்கையோடு இருக்க வேண்டும்.
மூலையில் முடங்காமல் விடா முயற்சி கை கொள்ள வேண்டும் 
பணத்தை வீணாக செலவழிக்காமல் எளிமையாய் இருக்க வேண்டும்.

 

அனைவருக்கும் இரக்கம் காட்டும் தெய்வ குணம் வேண்டும் 
பெண்கள் / ஆண்களிடம் மதிப்பு மரியாதை காட்ட வேண்டும் 
நல்ல செயலில் ஈடுபட்டு நன்மையை தர வேண்டும் 
பிறர்க்கு உதவிகள் செய்து நிம்மதி வாழ்வைத் தரவேண்டும்.

கற்றது கை மண் அளவு என்பதை மறக்காமல் இருக்க வேண்டும் 
வாக்குறுதிகளை நிறைவேற்றி மக்களை காப்பாற்ற வேண்டும் 
பணத்தை சிக்கனமாக செலவழித்து சேமிக்க பழக வேண்டும் 
தேவையானவற்றிற்கு செலவு செய்து குடும்பம் நடத்த வேண்டும். 

சட்டத்தை மதித்து சத்திய வழியில் செயலைச் செய்ய வேண்டும் 
மரியாதை கொடுத்து மானத்துடன் வாழவேண்டும் 
'நாம்' என்று பொது நலமோடு நடந்துகொள்ள வேண்டும் 
மொபைலில் அளவோடு பேசி நேரத்தை மிச்சப் படுத்தவேண்டும்.

   

சம்பாதித்து சொந்தமாக 'பைக்' வாங்கி ஓட்ட வேண்டும்  
வேலையை ஆர்வம்,அக்கறையுடன் செய்ய வேண்டும் 
கடன் வாங்குவது கௌரவ குறைச்சல் என்று எண்ண வேண்டும் 
வரவுக்குள் செலவு செய்து மிச்சத்தை சேமிக்க வேண்டும் 

பலனைப் பாராமல் கடமைகளைத் தவறாது செய்ய வேண்டும் 
வியர்வை சிந்தி உழைத்து ஆரோக்கியமாக வாழ வேண்டும் 
பிறர் தயவில்லாமல் சொந்தக்காலில் நிற்க வேண்டும் 
எல்லா நேரமும் அதிர்ஷ்டமான நேரமென்று கருதவேண்டும்.

ஆகையால் வாழ்கையில் கோட்டை கட்டுவது அல்லது கோட்டை விடுவது உங்கள் கையில் இருக்கின்றது.
நன்றி, வணக்கம்.
                         

  

Tuesday 28 May 2013

சம்பாதிக்க வழியா இல்லை உலகில் ? - MANY WAYS IS THERE TO EARN ! PUTHU KAVITHAI புதுக்கவிதை

சம்பாதிக்க வழியா இல்லை உலகில் ? 
MANY WAYS IS THERE TO EARN MONEY !
PUTHU KAVITHAI
புதுக்கவிதை




மனிதனே !
ஆற்றலின் மொத்த உருவம் நீ
அனைத்து சக்தி உள்ளவன் நீ
அறிவின் பொக்கிஷம் நீ
திறமைகளின் பிறப்பிடம் நீ.



மனிதா ! நீயோ
சம்பாதிக்க வழியைத் தேடி அலைகிறாய்
சம்பாதித்ததை இழந்துவிட்டு முழிக்கிறாய்
சம்பாதிக்க கண்ணுக்குத் தெரியும் வழியில் ஓடுகிறாய்
சம்பாதித்ததை என்ன செய்வதறியாமல் திணறுகிறாய்
சம்பாதிக்க நினைக்காமல் சோம்பேறியாக இருக்கிறாய்.

நீ நினைத்தால் உன்னால்
நன்றாக கல்வி கற்றுத் தேற முடியும்.
நீ விடாப்பிடியாக முயற்சித்தால்
அந்த கல்வியினால் நல்ல வேலையில் அமரமுடியும்
கை நிறைய சம்பாதிக்க முடியும்.

நீ நினைத்தால் உன்னால்
நன்றாக பாடல்களைப் பாட முடியும்
நீ நல்ல பாடகனாக மாற முடியும்
பணமும் புகழும் சம்பாதிக்க முடியும். 




நீ நினைத்தால் உன்னால்
பல தொழில் நுணுக்கங்களை பயில முடியும்
நீ விடாப்பிடியாக முயற்சித்தால்
பயனுள்ள தொழில் கருவிகளைத் தர முடியும் 
பல இலட்சங்களை சம்பாதிக்க முடியும்.

நீ நினைத்தால் உன்னால்
கதை கட்டுரை கவிதைகளை படைக்க முடியும்.
நீ விடாப்பிடியாக முயற்சித்தால்
எழுத்துலகில் முத்திரை படைக்க முடியும்
பேரும் பெருமையும் சம்பாதிக்க முடியும்.     

நீ நினைத்தால் உன்னால்
நன்றாக பேச முடியும்.   
நீ விடாப்பிடியாக முயற்சித்தால்
பேச்சாற்றலை வளர்த்துக்கொள்ள இயலும்.
சிறந்த 'அரசியல் தலைவன்' பேரை சம்பாதிக்க முடியும்.



நீ நினைத்தால் உன்னால்
பல பொறியியல் நுட்பத்தைக் கற்க முடியும் 
நீ விடாப்பிடியாக முயற்சித்தால்
பயனுள்ள தொழில் கருவிகளைத் தர முடியும்
பல கோடிகளை சம்பாதிக்க முடியும்.

நீ நினைத்தால் உன்னால்
கணினி அறிவியலில் சாதனை செய்ய முடியும் 
நீ விடாப்பிடியாக முயற்சித்தால்
கணினி கொண்டு உலகை வலம் வர முடியும்.
லட்சம் கோடிகளை சம்பாதிக்க முடியும்.

நீ நினைத்தால் உன்னால்
64 கலைகளை கற்றுத் தேற முடியும் 
நீ விடாப்பிடியாக முயற்சித்தால்
சின்ன பெரிய திரைகளில் கலக்க முடியும் 
பல ஆயிரம் ரசிகர்களை சம்பாதிக்க முடியும்.

நீ நினைத்தால் உன்னால்
கவி பாடல்களை கொடுக்க முடியும் 
நீ விடாப்பிடியாக முயற்சித்தால்
காலத்தால் அழியாத பாடல்களை படைக்க முடியும் 
கை நிறைய பணம் சம்பாதிக்க முடியும்.



நீ நினைத்தால் உன்னால்
நாட்டிய இசையினை தெளிவாக பயில முடியும் 
நீ விடாப்பிடியாக முயற்சித்தால்
மக்களை தலையாட்டி ரசிக்க வைக்க முடியும்.
'இசைத் தலைவன்' பெயரை சம்பாதிக்க முடியும். 

நீ நினைத்தால் உன்னால்
நல்ல தொண்டுகளில் ஈடுபட முடியும் 
நீ விடாப்பிடியாக முயற்சித்தால்
நலிந்த மக்களுக்கு பல உதவிகள் செய்ய முடியும் 
'மக்கள் தொண்டன்' பெயரை சம்பாதிக்க முடியும். 

நீ நினைத்தால் உன்னால்
அறிவு வழங்கும் ஆசானாக திகழ முடியும் 
நீ விடாப்பிடியாக முயற்சித்தால்
இளைஞர்களுக்கு ஏணியாக இருக்க முடியும் 
'நல்ல ஆசிரியர்' பெயரை சம்பாதிக்க முடியும் 

நீ நினைத்தால் உன்னால்
துன்பக்கடலில் அன்புத் தோணியாக இருக்க முடியும் 
நீ விடாப்பிடியாக முயற்சித்தால்
துன்பப்படும் இதயங்களை கரை சேர்க்க முடியும் 
'நல்ல இதய மனிதன்' பெயரை சம்பாதிக்க முடியும்.

நீ நினைத்தால் உன்னால்
தீவிரவாதம் ஒழிக்கும் காவலனாக திகழ முடியும் 
நீ விடாப்பிடியாக முயற்சித்தால்
எதிரிகளை ஒழிக்கும் வீரனாக விளங்க முடியும் 
'வீர மகன்' புகழை சம்பாதிக்க முடியும். 



நீ நினைத்தால் உன்னால்
நன்றாக விளையாட முடியும் 
நீ விடாப்பிடியாக முயற்சித்தால்
விளையாட்டில் பல சாதனைகளை செய்ய முடியும் 
'சிறந்த விளையாட்டு வீரன்' சம்பாதிக்க முடியும்.

நீ நினைத்தால் உன்னால்
அரசியலில் நுழைந்துவிட முடியும் 
நீ விடாப்பிடியாக முயற்சித்தால்
மக்களுக்கு நல்ல திட்டங்களை வழங்க முடியும் 
'மக்கள் சேவகன்' பெயரை சம்பாதிக்க முடியும்.

நீ நினைத்தால் உன்னால்
அரசியல் தலைவனாக விளங்க முடியும் 
நீ விடாப்பிடியாக முயற்சித்தால்
ஊழல் கருப்புப்பணம் ஒழிக்க முடியும் 
'மக்கள் தலைவன்' பெயரை சம்பாதிக்க முடியும்.

நீ நினைத்தால் உன்னால்
பல தொழில்களை கற்றுக்கொள்ள முடியும் 
நீ விடாப்பிடியாக முயற்சித்தால்
தொழில் அதிபராக வர முடியும் 
'பணக்காரன்' பெயரை சம்பாதிக்க முடியும்.



நீ நினைத்தால் உன்னால்
நவீன விவசாயம் செய்ய முடியும் 
நீ விடாப்பிடியாக முயற்சித்தால்
உணவுப் பஞ்சம் போக்க முடியும் 
'அமுத சுரபி' பெயரை சம்பாதிக்க முடியும். 

நீ நினைத்தால் உன்னால்
தற்கால மருத்துவம் படிக்க முடியும் 
நீ விடாப்பிடியாக முயற்சித்தால்
மக்களுக்கு நல்ல ஆரோக்கியம் தரமுடியும் 
'மருத்துவ நிபுணர்' பெயரை சம்பாதிக்க முடியும் 



நீ நினைத்தால் உன்னால்
புதுப்புது சிந்தனைகளை சிந்திக்க முடியும் 
நீ விடாப்பிடியாக முயற்சித்தால்
புதுமைகள் பலவற்றை புகுத்த முடியும் 
பல செல்வங்களை சம்பாதிக்க முடியும்.

மனிதா! மலை போலுள்ளது உனது ஆற்றல் 
அதை எறும்பு உருவம் கொண்டு பார்க்கிறாய் 
அதனால் உனக்கு எறும்பளவே கிடைக்கிறது 
பறவை போல மேலே பறந்து பார் 
மலையே ஒரு எறும்பாய் தெரியும்.


எதுவும் இல்லாவிட்டால் என்ன 
எல்லாமே இழந்துவிட்டாலும் என்ன 
'தற்கொலை' ஒன்றே எதற்கும் தீர்வாகாது 
தன்னம்பிக்கை ஒன்றே எதற்கும் சாதிக்க வல்லது 
தளராத முயற்சியோ உன்னை பலம் தருவது 

உன்னைச் சுற்றி எவ்வளவு எதிரிகள் இருந்தால் என்ன 
உன் கண் முன் எவ்வளவு பிரச்சனைகள் இருந்தால் என்ன 
நீ நினைத்தால் உன்னால்
நீ விடாப்பிடியாக முயற்சித்தால்
அனைத்தும் தூள் தூளாக்கி விட முடியும்.

அதோ உயரத்தில் இருப்பவர்கள் எல்லாம் தாண்டி வந்தவர்கள் 
ஏதாவது காயம் தெரிகின்றதா 
எப்போதாவது புலம்பியதை கேட்டதுண்டா 
'முடியாது' என்று பின் வாங்கியதுண்டா 
உன்னாலும் முடியும் 
பலவற்றை சம்பாதிக்க முடியும்.

முடியும் !

முடியும் என்பது உனது எண்ணமாக இருக்க வேண்டும்.

முடித்து காட்டுவது உனது லட்சியமாக இருக்க வேண்டும். 



நன்றி , வணக்கம்.




Saturday 18 May 2013

'மறுபிறவி'இல்லாப் பிறவாவரம் கிடைக்கும் வழி HOW DO YOU AVOID YOUR NEXT BIRTH? PUTHUK KAVITHAI

'மறுபிறவி'இல்லாப் பிறவாவரம் கிடைக்கும் வழி 
HOW DO YOU AVOID YOUR NEXT BIRTH?
PUTHUK KAVITHAI 
புதுக்கவிதை 

இது நாள் வரை நீ 

  

பிறரை கெடுக்கும் செயல் செய்யவில்லையெனில் 
மறுபிறவியில் ' அடிபடும் நாயாய் ' பிறப்பதை தடுக்கும் 
வரம் கிடைக்கும் வழியை தெரிந்துகொள்வாயாக!

 

பிறர் பொருட்களை ஏமாற்றி அபகரிக்கவில்லையெனில்  
மறுபிறவியில் 'பலி ஆடாய் 'பிறப்பதை தடுக்கும் 
வரம் கிடைக்கும் வழியை தெரிந்துகொள்வாயாக! 



ஏழைகளின் வயிற்றை அடித்து வாழவில்லையெனில்  
மறுபிறவியில் 'அற்பப் புழுவாய்' பிறப்பதை தடுக்கும்  
வரம் கிடைக்கும் வழியை தெரிந்துகொள்வாயாக!

 

எவரையும் பணத்திற்காக கொலை செய்யவில்லையெனில் 
மறுபிறவியில் 'சாக்கடை பன்றி'யாய் பிறப்பதை தடுக்கும்  
வரம் கிடைக்கும் வழியை தெரிந்துகொள்வாயாக! 

 

பொறாமையால் எவர் குடியும் கெடுக்கவில்லையெனில் 
மறுபிறவியில் 'கொசுவாய் ' பிறப்பதை தடுக்கும்  
வரம் கிடைக்கும் வழியை தெரிந்துகொள்வாயாக! 

 

பிறர்க்குத் தெரியாமல் திருடவில்லையெனில் 
மறுபிறவியில் 'குட்டை ஈ 'யாய் பிறப்பதை தடுக்கும் 
வரம் கிடைக்கும் வழியை தெரிந்துகொள்வாயாக! 

                              

பொய் சொல்லி ஆதாயம் தேடவில்லையெனில் 
மறுபிறவியில் 'பல்லி 'யாய் பிறப்பதை தடுக்கும்  
வரம் கிடைக்கும் வழியை தெரிந்துகொள்வாயாக! 

 

ஏமாற்றும் தொழில் செய்து சொத்து சேர்க்கவில்லையெனில்
மறுபிறவியில் 'கரப்பான் பூச்சி 'யாய் பிறப்பதை தடுக்கும் 
வரம் கிடைக்கும் வழியை தெரிந்துகொள்வாயாக!  

 

கடமையைச் செய்ய லஞ்சம் வாங்கவில்லையெனில் 
மறுபிறவியில் 'மூட்டைபூச்சி 'யாய் பிறப்பதை தடுக்கும்  
வரம் கிடைக்கும் வழியை தெரிந்துகொள்வாயாக!  

 

ஊழல் செய்து கருப்புப்பணம் பதுக்கவில்லையெனில் 
மறுபிறவியில் 'கழுதை 'யாய் பிறப்பதை தடுக்கும் 
வரம் கிடைக்கும் வழியை தெரிந்துகொள்வாயாக! 

 

உறவு, மக்களை கொடுமை இழிவு படுத்தவில்லையெனில்
மறுபிறவியில் 'வெட்டுக்கிளியாய் ' பிறப்பதை தடுக்கும் 
வரம் கிடைக்கும் வழியை தெரிந்துகொள்வாயாக!   



மக்களுக்கு கொடுத்த நல்வாக்கு தவறவில்லையெனில் 
மறுபிறவியில் 'மிதிபடும் எலி 'யாய் பிறப்பதை தடுக்கும்  
வரம் கிடைக்கும் வழியை தெரிந்துகொள்வாயாக! 



ஆட்சியில் அமர்ந்து நீதி நெறி தவறவில்லையெனில் 
மறுபிறவியில் 'அடிபடும் மாடாய் ' பிறப்பதை தடுக்கும் 
வரம் கிடைக்கும் வழியை தெரிந்துகொள்வாயாக! 



பிறர் உழைப்பில் சோம்பேறியாய் வாழவில்லையெனில் 
மறுபிறவியில் 'சவுக்கடி எருமையாய் 'யாய் பிறப்பதை தடுக்கும்  
வரம் கிடைக்கும் வழியை தெரிந்துகொள்வாயாக! 



மொத்தத்தில் அனைவருக்கும் நல்ல மனிதனாகவாழ்ந்து 
மறுபிறவி இல்லாத பெருவாழ்வு பெறுகின்ற 
வரம் கிடைக்கும் வழியைத் தெரிந்துகொள்வாயாக!




வாழ்க நல்ல எண்ணமுடன் !
வளர்க நல்ல பண்புடன் !
பெருக பெருவாழ்வு !  



நன்றி, வணக்கம்.