Pages

Thursday 2 August 2012

முயற்சிக்கான முறையும் வெற்றியின் இரகசியமும் - அனுபவ வாழ்கை பொன் வரிகள்


 அனுபவ   வாழ்கை பொன் வரிகள் -
 மதுரை கங்காதரன்



முயற்சிக்கான முறைகளும் 
வெற்றியின் இரகசியமும் 




வாழ்கையில் மிக உயந்த நிலையில் பல வெற்றி மற்றும் சாதனைகள் புரிந்த ஒருவரிடம் "நீங்கள் இந்த உயந்த கௌரவமிக்க பல  வெற்றியை எவ்வாறு அடைந்தீர்கள் என்பதன் ரகசியத்தை எங்களுக்கு கூற முடியுமா?" என்று கேட்டேன். அதற்கு அவர் சிரித்துக்கொண்டே "ஓ ! தாராளமாக !" என்றார். அவரை மெளனமாக பார்த்தேன்.மேலும் அவர் அடுத்து என்ன சொல்லப்போகிறார் என்ற ஆவல் மற்றும் ஆர்வத்துடன் செவி சாய்த்தேன். ஏனென்றால் அதை நுண்ணிப்பாக கவனித்து அதேபோல் நானும் எனது வாழ்க்கையில் பின்பற்றி பல வெற்றிக் கனிகளை சுவைத்தே தீரவண்டும் என்கிற தனியாத ஆசை கூட அல்ல ! பேராசை கூட சொல்லலாம்.

அவர் தொடர்ந்தார் "அதாவது நான் எனது  இலட்சியத்தை அடையும் வரை தொடர்ந்து முயற்சி  செய்து கொண்டே இருப்பேன். இது  தான் என் வாழ்கையில் நான் அடைந்த வெற்றிக்கான இரகசியம்" என்றார்.




அதைக் கேட்டவுடன் "பூ! இவ்வளவு  தானா ? இந்த எளிமையான வார்த்தைகளை நான் ஏற்கனவே புத்தகங்களில் பலமுறை படித்த விஷயம் தான் , புதிதாக ஒன்றுமில்லையே ! " என்று சிறிது வருத்தப்பட்டேன்.

மீண்டும் அவரே "என்னப்பா ! வெற்றிக்கான இரகசியம் தெரிந்துவிட்டதா?" என்று மறுபடியும் என்னிடத்தில் கேட்டார். நானோ புரிந்த மாதிரி இருக்குது ஆனால் புரியவில்லை என்ற முழிப்புடன் "ஐயா ! நானும் உங்களை போல் இடைவிடாது முயற்சி செய்து வந்தேன் . ஆனால் தோல்வி தான் எனக்கு கிடைத்தது. வெற்றி கிடைக்கவில்லை. நீங்கள் செய்த  முயற்சிக்கும் நான் செய்த  முயற்சிக்கும் ஏதாவது வித்தியாசம் இருக்கின்றதா? உங்கள்  முயற்சி வெற்றி பெற்றது என்  முயற்சி தோற்றது.அதற்கான காரணம் என்ன?"  என்று கேட்டேன்.

அவரோ "  முயற்சி இரண்டும் ஒன்று தான்.ஆனால் இதற்கு பதில் சொல்லுங்கள்.ஒரு முறை  முயற்சி செய்து தோல்வி அடைந்தீர்கள் மீண்டும் என்ன செய்தீர்கள்? "

"மீண்டும் அதே முயற்சியை தொடர்ந்தேன். மீண்டும் தோல்வி தான் கிடைத்தது".

"இங்கு தான் அனைவரும் தவறு செய்கின்றனர்.நீங்கள் ஒரு முறை அல்லது இரு முறை முயன்று தோல்வி அடைந்தீர்களென்றால் நீங்கள் செய்யும்  முயற்சி முறை அல்லது நீங்கள் செல்லும் பாதையில் தவறு இருக்கின்றது. நீங்கள் ஒவ்வொரு முறை முயற்சி செய்யும் போது தோல்வி அடைந்த முறையையோ அல்லது முன்பு சென்ற பாதையிலேயே  முயற்சி செய்துகொண்டே இருந்தால் நிச்சயம் நீங்கள் உங்கள் வாழ்க்கை முடியும் வரை தோல்வியைத்தான் தழுவுவீர்கள் . வெற்றி கிடைப்பது அரிது தான்." அவரே தொடர்ந்தார். 



உதாரணமாக தாமஸ் ஆல்வா எடிசன் மின்சார விளக்கை கண்டுபிடிக்க ஒரே இழையை வைத்து ஆராய்ச்சியை தொடர்ந்து செய்து கொண்டே வந்திருந்தால் நிச்சயம் நமக்கு மின்சார விளக்கு கிடைத்திருக்காது.அவர் கிட்டத்தட்ட 1000 வகையான இழைகளைக் கொண்டு தொடர்ந்து புது புது முறையில் முயற்சி செய்ததினால் தான் இந்த மகத்தான வெற்றி அவருக்கு கிடைத்திருக்கின்றது.





ஏன், நமது இந்திய சுதந்திரம் பலவழிகளில் முயன்று அதாவது உண்ணாவிரதம், ஒத்துழையாமை, பல போராட்டங்கள், சத்யாகிரகம், சுதேசி இயக்கம் போன்றவையெல்லாம் கையாண்டு கடைசியில் 'அஹிம்சை' வழியில் தான் நாம் சுதந்திரம் அடைந்துள்ளோம்.   



அதாவது நீங்கள் ஒவ்வொரு முறை  முயற்சி செய்யும்போது நீங்கள் செய்த முயச்சியில் ஏதேனும் தவறுதல் இருக்கின்றனவா? என்று ஆராய வேண்டும். அப்படி எதிர்பார்த்தது நடக்கவில்லையென்றால் வேறு  என்ன வழி ? என்று சிந்திக்க வேண்டும். பிறகு  அந்த வழியை எவ்வாறு தேர்வு செய்வது ? எப்படி திட்டமிடுவது ? யாரைக்கொண்டு அடைவது? என்பதை தெளிவாக ஒரு காகிதத்தில் எழுதி அதை பலமுறை படிக்கவேடும் . அப்படி  படிக்கும் போதே நீங்கள் செய்த தவறுகளும், அதை எப்படி திருத்தி செய்யவேண்டிய முறையினையும் உங்களுக்கு தெளிவாக தெரியும்.

மீண்டும் முயற்சி ?! மீண்டும் ஒருவேளை தோல்வி அடைந்தால் மீண்டும் நீங்கள் செய்த முறை அல்லது பாதையினை சற்று மாற்றி அமைத்து இடைவிடாது முயற்சி செய்யும்போது உங்கள் தோல்வி இருள் மறைந்து வெற்றி ஒளி  படர ஆரம்பிக்கும்.இந்த முயற்சியின் தோல்வி தான் பல துறைகளில்  வெற்றி பெற உதவிடும் படிக்கட்டு.

   
மேலும்  விளையாட்டில், அரசியலில்,கல்வியில், தொழிலில், ஆன்மீகத்தில், அன்றாட வேலைகளில் பலர் இந்த வகையில் தான்  முயற்சி செய்து வெற்றி பெற்றிருக்கிறார்கள்". என்று தனது உரையை முடித்துக்கொண்டார். 

எனக்கு இப்போது வெற்றிக்கான ரகசியம் நன்றாக புரிந்து விட்டது. அவரிடமிருந்து விடை பெற்று எனது முயற்ச்சியை தொடர ஆரம்பித்துவிட்டேன் 



நீங்களும் முயற்சியின் பல  முறைகளை பின்பற்றி வெற்றி பல அடையுங்கள்.  
        
*****************************************

இன்னும் வரும் .... 




இதில் இருக்கும் கவிதை / கதை / விளையாட்டு புதிர் / சமையல் / கட்டுரைகள் / பொன் வரிகள் போன்றவற்றின் உங்கள் விமர்சனம் 
வரவே ற்க்கப்படுகின்றன 

மிகநன்று                      அல்லது 

நன்று                              அல்லது 

பரவாயில்லை           அல்லது 

இன்னும் தெளிவு         தேவை  

ஆங்கிலத்தில் கூட நீங்கள் எழுதி அனுப்பலாம் ..

பத்திரிகை, வார இதழ் , மாத  இதழ் போன்றவற்றில் பிரசுகரம் செய்ய 
கீழ்க்கண்டவற்றில்  தொடர்பு கொள்ளவும்.

+91 9865642333 அல்லது 



1 comment: